Na.Melkiory Gowelle.
MSHAMBULIAJI hatari wa Kagera Sugar aliye funga goli
la pili na la ushindi kwa timu ya Taifa ya Tanzania ‘Taifa Stars ‘ katika
mcheza dhidi ya Burundi Mbaraka Yusuph, amesema kuwa anaimani atacheza vizuri
na kuipatia timu yake ushindi dhidi ya Simba katika mchezo utakao chezwa
Jumapili hii katika dimba la Kaitaba Mkoani Kagera.
Mbaraka amewataka Wapenzi na mashabiki wa Kagera
Sugar kuondoa hofu na kumwamini sababu atafanya kazi ya maana kwakuwa yuko
pamoja nao.
“Waondoe wasiwasi mimi ni mchezaji wa Kagera Sugar
si wa Simba na naimani nitaipatia timu yangu ushindi jumapili hii, kazi kazi,
tuko pamoja”. Amesema Mbaraka.
Kabla ya kutuwa Kagera Sugar Mbaraka alitokea katika
kikosi cha Simba ‘B’ chini ya Mwalimu Matola, lakini kwa sasa ndiye ‘straika’
pekee anaye ongoza kwa kuzifumania nyavu ndani ya kikosi cha Kagera Sagar,
hivyo ameingia katika tano bora ya vinara wa magoli akiwa na magoli 10 katika
mechi 24 alizo cheza.
0 comments:
Post a Comment