MKWASA AKANUSHA UVUMI YANGA KUKABILIWA NA UKATA WA FEDHA

Na Tuzo Mapunda

KATIBU mkuu wa timu ya Yanga Fc, Charles Bonifas Mkwasa amekanusha taarifa zinazosema timu hiyo inaukata wa fedha.

Kauli hiyo imekuja siku chache baada ya taarifa kuzagaa kwenye vyombo vya habari zikisema timu hiyo imeshindwa kuwalipa wachezaji wake mishahara yao.

AKizungumza na waandishi wa habari Dar es salaam leo, Mkwasa alisema timu hiyo haina ukata wa fedha na inaongoza kwa kulipa mshara mzuri wachezaji wake ukilinganisha na klabu zingine hapa nchini.

"tuna uwezo wa kupeleka wachezaji kwenye hotel yeyote hapa nchini na nje bila kujali gharama yeyote ukilinganisha na timu zingine" Alisema mkwasa.Akasema kama kunamchezaji au mtu yeyote anaidai timu hiyo basi atoe vielelezo vyake.

Hata hivyo amewaomba wapenzi na mashabiki wa timu ya yanga kuiunga mkono timu yao kuelekea mechi za kimataifa na mashindano mengine na kuachana na kusikiliza maneno yasiyokuwa ya msingi katika timu yao.