WAZIRI NAPE ALIA NA SHERIA, ASEMA NI MBOVU NA ZINAVUNJA MOYO SANA.

Na. Melkiory Gowelle

Waziri wa Habari, Utamaduni, Sanaa na Michezo, Nape Nnauye amekiri kuwa moja kati ya changamoto kubwa ya kuwadhibiti maharamia wa kazi za wasanii nchini ni ukongwe na ubovu wa sheria zilizopo.

Akizungumza Jijini Dar es salaam Nape amesema kuwa sheria tulizo nazo ni za miaka ya sabini ambayo haifanani na mazingira ya leo, hivyo anacho hangaikia hivi sasa ni kutunga sera ya sanaa na sheria ambayo itasimamia vyema.

“Kwa mfano hizi ‘operation’ ninazo zifanya mtaani, unamkuta mtu anakazi za bilioni mbili, unampeleka mahakamani analipa faini laki mbili, unajiuliza kazi niliyo fanya ni nini?, nimempeleka mahakamani, nimemkamata na kazi za wasanii za shilingi bilioni tatu, juzi nimemkamata mtu ana billion 3 na zaidi.” alisema Nape na kuongeza

“Kwa hiyo huyu atatenga hiyo hela tuu ambayo mkienda mahakamani analipa, anarudi anaendelea tena kwa hiyo sheria tuliyo nayo kwa kweli ni mbovu sana na ndiyo inayo vunja moyo sana, lakini pamoja na ubovu wake ni lazima tusimamie, tupunguze huu wizi wa kazi za sanaa zinazo endelea mtaani.” Alisema Nape